का पाकिस्तान अब्बो सबक लेइ ?

गली में एगो पागल कुत्ता होखे अउर आप ओके रोज रोटी खिलावत बानी तब्बो आप ए बात के गारंटी ना दे सकेली कि उ आपके कब्बो ना काटी | काहे से कि पागल कुत्ता के भरोसा ना कइल जा सकेला | अइसही आतंकवाद एगो पागल कुत्ता ह और पाकिस्तान ओके रोज ही हथियार, धन और शरण के रोटी खिलावेला | लेकिन कल के भइल हमला ए बात के सबूत बा की आतंकवाद केहू के ना हो सकेला |

फोटो कर्टसी : आज तक

पाकिस्तान के पेशावर के एगो आर्मी पब्लिक स्कूल पे भइल बर्बर हमला हम सबके सामूहिक और सामाजिक चेतना के हिला के रख देहले बा | इ आतंकवाद के सबसे खतरनाक चेहरा हवे जेम्मे की मासूम बच्चन के भी नाहीं छोड़ल गइल | तालिबान के हथियारबंद आतंकवादी एगो स्कूल में घुस के कई घंटा तक वहशियाना ढंग से स्कूल के बच्चन और कर्मचारियन के निशाना बनावत रहले जेम्मे की 120 से अधिक लईकन के मौत हो गईल | तालिबान इ हमला के जिम्मेदारी लेत  एके पाकिस्तानी फ़ौज के ओकरे खिलाफ कइल जात खैबर पख्तूनख्वा क्षेत्र में कारवाही ही बदला बतावत ह | लेकिन सबके मालूम बा की इ बसएगो आड़ ह | पाकिस्तानी फ़ौज त इ कारवाही एही साल जून में शुरू कईले रहे, लेकिन 2007 में अपने गठन से लेके आज तक पाकिस्तान तालिबान आज ले अल क़ायदा और अफगानिस्तानी तालिबान के रास्ता पर चलत बा और पाकिस्तान के कई शहर में आतंकी हमला कइले बा | इहे तालिबान दू साल पाहिले मलाला युसुफजई के भी बस एह लिए निशाना बनवलस  कि उ बच्चन के अधिकार और पढाई के बात करत रहली | हालत इ बा की बच्चन के अधिकार खातिर लडे वाला कैलाश सत्यार्थी के साथे नोबेल के शांति के पुरस्कार पइले के बादो मलाल आजुओ अपने देश ना लौट सकेली | आतंकवादियन खातिर बच्चन और औरतन के बीच में कउनो अतर ना ह | चाहे उ आईसआईस, बोको हरम, अल क़ायदा आ चाहे इ तालिबान | इ घटना पाकिस्तान के पूरा तंत्र के नाकामी के देखावत बा, जवन की तालिबान के फलले-फुलले के मौका दिहलस |

पाकिस्तान के प्रधानमंत्री नवाज़ शरीफ इ हमला के राष्ट्रीय आपदा कहत हवे, लेकिन एकरे साथे ही हमहन के इ पडोसी देश के आतंकवाद के मुद्दा पर आत्ममंथन भी करे के चाही | उ खुदे आतंकवाद से जुझत हवे लेकिन भारत के खिलाफ आतंकी गतिविधि अंजाम देवे वाला सब के संरक्षण भी देत रहल बा | सही मायने में देखल जा त पेशावर में भइल हमला और दू दिन पहिले सिडनी में एगो सिरफिरा के कैफे में घुस के कुछ लोगन के बंधक बनावे वाला घटना इ बतावे खातिर काफी बा की कइसे आतंकवाद एगो वैश्विक खतरा बन गइल बा, कि कइसे एगो आतंकवादी भी करोडो लोगन के जान सांसत में डाल सकेला | पेशावर के घटना से ओ सब देशन के सबक लेवे के चाही जवान कि जाने अनजाने में आतंकवाद और आतंकवादियन के पनाह देवत हवें |

कुछ तथ्य :

संयुक्त राष्ट्र महासचिव द्वारा साल 2012 में जारी कइल गईल रिपोर्ट के अनुसार दुनिया के 17 देश में कुल 3643 हमला भइल बा उहो बस शिक्षण संस्थान पर |

• 3643 हमला 2012 में कुल 17 देश के शिक्षण संस्थानं पर |
• 75 बच्चे और 212 शिक्षक प्रभावित भइने एह सब हमला में |
• एह सब में 90 हमला सैन्य इस्तेमाल के 11 देशन पर |
• 1241 स्कूल गिरा दिहल गईल 2008 से अब तक पाकिस्तान में |
• 763 स्कूलन के नुकसान पहुचावल गईल |
• 244 लडकियन के स्कूल क्षतिग्रस्त | 

कउनो भी आतंकी गुट इ न चाहेला की बच्चा सब तालीम हासिल करे सब और उनके नापाक इरादन के समझे एही से उ स्कूलन पर हमला करेन सब  |